Azken berriak
Esti Vivanco idazlea
29-01-2020
Zer dakizu... Esti Vivanco idazleari buruz?
Ba al dakizkizu Esti Vivanco idazleari buruzko hamar gauza hauek? Has gaitezen!
- Bizkaitarra da... Bilbokoa, hain zuzen ere!
- Ingeles Filologiako ikasketak egin zituen...
- ...baina horrekin aski ez, eta Derrigorrezko Bigarren Hezkuntzan irakasle izateko masterra ere egin zuen.
- Horretxegatik dihardu gaur egun irakaskuntzan, idazle izateaz gain.
- Eta zer irakasten duen? Bada ingelesa!
- "Betidanik" izan omen du Vivancok idazteko eta irakurtzeko zaletasuna.
- 2014. urtean kaleratu zuen haurrentzako lehen liburua eta ordutik beste hainbat liburu ere argitaratu ditu idazleak.
- Begikoko bilduman topatu dezakezun Egun gorriak liburuan gizartean den berdintasunarekiko kezka islatu nahi izan du.
- Eta liburuaren izenburuak zerekin du zerikusia? Asmatu duzu, bai: hilerokoarekin du zerikusia.
- Ikusi al duzu Esti Vivancok bere liburua aurkezteko egin zuen bideoa? Hemen behean topatuko duzu. Ez ezazu galdu!
